ຄູ່ມືການໃຊ້ງານ LaoCaption

ຂັ້ນຕອນ 1.1

ເປີດເວັບ laocaption.com

ເປີດ laocaption.com ໃນໂທລະສັບ ຫຼື ຄອມພິວເຕີ (Chrome, Safari ຫຼື ແອັບ LaoCaption).

1. 1ປຸ່ມ “ເລີ່ມໃສ່ຊັບຟຣີ” — ກົດເພື່ອເລີ່ມໃຊ້ງານ.
2. 2ປຸ່ມ + ສີສົ້ມ ຢູ່ແຖບລຸ່ມ — ທາງລັດໄປອັບຄລິບໃໝ່ (ໃຊ້ໄດ້ທຸກໜ້າ).
3. 3ເມນູ “ລາຄາ” — ເບິ່ງແພັກເກັດ ແລະ ລາຄາທັງໝົດ.

ແພັກຟຣີໃຫ້ 10 ນາທີສຳລັບທົດລອງ — ລອງກັບຄລິບຂອງທ່ານກ່ອນຕັດສິນໃຈຊື້.

ຂັ້ນຕອນ 1.2

ເຂົ້າສູ່ລະບົບດ້ວຍ Google

ໃຊ້ບັນຊີ Gmail ທີ່ທ່ານມີຢູ່ແລ້ວ. ຄັ້ງທຳອິດ Google ຈະຖາມອະນຸຍາດໃຫ້ LaoCaption ເຫັນຊື່ ແລະ ອີເມວ — ກົດ “ດຳເນີນການຕໍ່”.

1. 1ກົດ “ເຂົ້າສູ່ລະບົບດ້ວຍ Google” ແລ້ວເລືອກບັນຊີຂອງທ່ານ.

LaoCaption ບໍ່ເຄີຍຂໍ ຫຼື ເກັບລະຫັດຜ່ານ Google ຂອງທ່ານ.

ຂັ້ນຕອນ 2.1

ອັບໂຫຼດຄລິບ

ກົດປຸ່ມ + ຫຼື “ຄລິບໃໝ່” ແລ້ວເລືອກວິດີໂອຈາກອະລະບ້ຳ ຫຼື ໄຟລ໌ (MP4, MOV, WebM). ໃນຄອມ ລາກໄຟລ໌ມາວາງກໍໄດ້.

1. 1ແຕະກ່ອງນີ້ເພື່ອເລືອກຄລິບ.
2. 2ນາທີທີ່ເຫຼືອໃນບັນຊີ — ຖອດສຽງ 1 ນາທີ ໃຊ້ 1 ນາທີ.

ສຽງເວົ້າຊັດ, ສຽງດົນຕີເບົາ ຈະໄດ້ຊັບທີ່ຖືກຕ້ອງທີ່ສຸດ.

ຂັ້ນຕອນ 2.2

ລໍຖ້າ AI ຖອດສຽງ

ລະບົບອັບໂຫຼດ ແລ້ວ AI ຖອດສຽງພາສາລາວເປັນຊັບພ້ອມເວລາ. ປິດໜ້ານີ້ໄດ້ — ວຽກຈະເຮັດຕໍ່ເອງ ແລະ ໂປຣເຈັກຈະຢູ່ໃນໜ້າ “ໂປຣເຈັກ”.

1. 1ຂັ້ນຕອນ: ເລືອກຄລິບ → ອັບໂຫຼດ → ຖອດສຽງ → ພ້ອມແກ້.
2. 2ເປີເຊັນຄວາມຄືບໜ້າ.

ຂັ້ນຕອນ 2.3

ແກ້ຄຳ ແລະ ເວລາຂອງຊັບ

ເມື່ອຖອດສຽງສຳເລັດ ຈະເຂົ້າໜ້າແກ້ໄຂອັດຕະໂນມັດ. ທຸກການແກ້ໄຂ ບັນທຶກເອງທັນທີ.

1. 1ວິດີໂອຕົວຢ່າງ — ຊັບທີ່ເຫັນ ຄືກັບໃນໄຟລ໌ MP4 ທີ່ຈະໄດ້.
2. 2ແຕະຂໍ້ຄວາມເພື່ອແກ້ຄຳຜິດ. ກົດ Enter ເພື່ອຂຶ້ນແຖວໃໝ່.
3. 3ເວລາເລີ່ມ–ຈົບ ຂອງແຕ່ລະແຖວ (ນາທີ:ວິນາທີ) — ແຕະເພື່ອແກ້.
4. 4ກົດ “ໃສ່ຊັບ ແລ້ວໂຫຼດ” ເມື່ອແກ້ສຳເລັດ.

ປຸ່ມ ✂ ຕັດແຖວ, ⧉ ລວມແຖວ, + ເພີ່ມແຖວ, 🗑 ລຶບແຖວ. ກົດ ↶ ເພື່ອຍົກເລີກການແກ້ໄຂລ່າສຸດ.

ຂັ້ນຕອນ 2.4

ເລືອກສະໄຕລ໌ຊັບ

ກົດແຖບ “ແຕ່ງຊັບ” ເພື່ອປ່ຽນໜ້າຕາຂອງຊັບ. ວິດີໂອຕົວຢ່າງປ່ຽນທັນທີ.

1. 1ສະໄຕລ໌ສຳເລັດຮູບ — ຂາວຂອບດຳ, ເຫຼືອງ TikTok, ກ່ອງດຳ, ກ່ອງຂາວ, ສົ້ມໄຟ, ນີອອນ.
2. 2ແຕະສະໄຕລ໌ທີ່ມັກ ເຊັ່ນ “ເຫຼືອງ TikTok”.

ຂັ້ນຕອນ 2.5

ເລືອກຟອນລາວ ແລະ ຂະໜາດ

ເລື່ອນລົງເພື່ອເລືອກຟອນ, ຂະໜາດ, ສີ, ຂອບ/ກ່ອງພື້ນ ແລະ ຕຳແໜ່ງ (ເທິງ/ກາງ/ລຸ່ມ).

1. 1ຟອນລາວ 4 ແບບ: Google Sans, Noto Sans Lao, Noto Lao Looped, Phetsarath OT — ວັນນະຍຸດ ແລະ ສະຫຼະສະແດງຖືກຕ້ອງ.
2. 2ແຕະຟອນເພື່ອເລືອກ ເຊັ່ນ Noto Lao Looped (ແບບມີຫົວ).

“ຈັດແຖວໃໝ່ທັງໝົດ” ຢູ່ລຸ່ມສຸດ ຊ່ວຍຕັດແຖວທີ່ຍາວເກີນໃຫ້ພໍດີຈໍ.

ຂັ້ນຕອນ 2.6

ໂຫຼດວິດີໂອ MP4

ລະບົບສ້າງວິດີໂອທີ່ຝັງຊັບ (ປະມານ 1 ນາທີ ຕໍ່ຄລິບ 1 ນາທີ). ເມື່ອສຳເລັດ:

1. 1ກົດ “ໂຫຼດ MP4” — ໄຟລ໌ຈະບັນທຶກໃນເຄື່ອງ (ແອັບ Android: ໂຟນເດີ Downloads/LaoCaption).
2. 2SRT / VTT — ໄຟລ໌ຊັບແຍກ ສຳລັບ CapCut, Premiere ຫຼື YouTube.

ແພັກຟຣີ ຈະມີລາຍນ້ຳ LaoCaption.com ນ້ອຍໆ ຢູ່ມຸມ. ແພັກເສຍເງິນບໍ່ມີລາຍນ້ຳ.

ຂັ້ນຕອນ 2.7

ຈັດການໂປຣເຈັກ

ໜ້າ “ໂປຣເຈັກ” ລວມທຸກຄລິບຂອງທ່ານ. ກັບມາແກ້ ແລະ ໂຫຼດຄືນໄດ້ຕະຫຼອດໄລຍະເກັບໄຟລ໌ຂອງແພັກ.

1. 1ແຕະຮູບເພື່ອເປີດແກ້ໄຂ.
2. 2ສະຖານະ: ລໍຖ້າຄິວ, ກຳລັງຖອດສຽງ, ພ້ອມແກ້ໄຂ, ສຳເລັດ.
3. 3ປຸ່ມ + ເພື່ອອັບຄລິບໃໝ່.

ຂັ້ນຕອນ 3.1

ເບິ່ງແພັກທີ່ໃຊ້ຢູ່

ເມນູ “ແພັກເກັດ” ສະແດງແພັກປັດຈຸບັນ, ນາທີທີ່ເຫຼືອ ແລະ ວັນໝົດອາຍຸ.

1. 1ແພັກທີ່ທ່ານໃຊ້ຢູ່ ແລະ ລາຄາ.
2. 2ນາທີທີ່ເຫຼືອ.
3. 3ຕໍ່ອາຍຸແພັກເດີມ (ແພັກມີອາຍຸ 30 ວັນ, ບໍ່ຕໍ່ອັດຕະໂນມັດ).

ຂັ້ນຕອນ 3.2

ເຕີມນາທີ (Add-on)

ນາທີແພັກໝົດກ່ອນກຳນົດ? ຊື້ນາທີເພີ່ມໄດ້ — ນາທີເຕີມ ບໍ່ມີວັນໝົດອາຍຸ.

1. 1ເລືອກຈຳນວນນາທີ: 50, 100 ຫຼື 300 ນາທີ (ຍິ່ງຫຼາຍ ຍິ່ງຖືກຕໍ່ນາທີ).

ຂັ້ນຕອນ 3.3

ຊຳລະເງິນດ້ວຍ QR ແລະ ແນບສະລິບ

ໜ້າຊຳລະສະແດງ QR ທີ່ມີຈຳນວນເງິນຢູ່ແລ້ວ — ສະແກນດ້ວຍແອັບທະນາຄານໃດກໍໄດ້ທີ່ຮອງຮັບ LAO QR.

1. 1ສະແກນ QR (ຫຼື ກົດ “ບັນທຶກຮູບ QR” ແລ້ວເປີດໃນແອັບທະນາຄານ).
2. 2ລະຫັດອ້າງອີງ — ໃສ່ໃນໝາຍເຫດການໂອນ ເພື່ອຢືນຢັນໄດ້ໄວ.
3. 3ໂອນແລ້ວ ກົດ “ເລືອກຮູບສະລິບ” (ຫຼື ວາງຮູບດ້ວຍ Ctrl+V).
4. 4ກົດ “ສົ່ງສະລິບຢືນຢັນການຊຳລະ”.

ຖ້າລໍຖ້າເກີນ 24 ຊົ່ວໂມງ ຕິດຕໍ່ທີມງານທາງ WhatsApp ພ້ອມລະຫັດອ້າງອີງ.

ຂັ້ນຕອນ 3.4

ໜ້າບັນຊີ ແລະ ປະຫວັດການຊຳລະ

ໜ້າ “ບັນຊີ” ສະແດງຂໍ້ມູນທັງໝົດຂອງທ່ານ ລວມທັງລິ້ງຄູ່ມື, ຕິດຕໍ່ ແລະ ນະໂຍບາຍ.

1. 1ນາທີຖອດສຽງທີ່ເຫຼືອ.
2. 2ສິດໃນແພັກ: ຄວາມຍາວຄລິບ, ຂະໜາດໄຟລ໌, ວັນເກັບໄຟລ໌.
3. 3ປະຫວັດການຊຳລະ ແລະ ສະຖານະ (ລໍຖ້າກວດສອບ / ອະນຸມັດແລ້ວ).

ຂັ້ນຕອນ 4.1

ປຸ່ມຕິດຕັ້ງໃນໜ້າບັນຊີ

ໄປໜ້າ “ບັນຊີ” → ກ່ອງ “ໃຊ້ LaoCaption ເປັນແອັບ”. Android (Chrome): ກົດ “ຕິດຕັ້ງ” ແລ້ວຢືນຢັນ — ສຳເລັດທັນທີ.

1. 1ກົດ “ຕິດຕັ້ງ”.

ຂັ້ນຕອນ 4.2

iPhone / iPad (Safari)

iPhone ຈະສະແດງວິທີຕິດຕັ້ງ 3 ຂັ້ນ. ຕ້ອງເປີດດ້ວຍ Safari (ແອັບ Facebook ຫຼື LINE ບໍ່ຮອງຮັບ).

1. 1ກົດປຸ່ມ ແບ່ງປັນ (Share) ຢູ່ແຖບລຸ່ມຂອງ Safari.
2. 2ເລືອກ “ເພີ່ມໃສ່ໜ້າຈໍຫຼັກ” (Add to Home Screen).
3. 3ກົດ “ເພີ່ມ” (Add) — ໄອຄອນ LaoCaption ສີສົ້ມຈະຢູ່ໜ້າຈໍ.